БОСАНСКИ ДЕСЕРТ

I тесто:



-6 јајца
-6 лажици шеќер
-150 гр. сецкани ореви
-4 лажици пченичен гриз
-3 лажици какао

II тесто:

-6 јајца
-6 лажици шеќер
-5 лажици пченичен гриз
-1 лажица брашно
-кора од портокал

Прелив:

-300 гр. шеќер
-1 л. вода
-сок од еден лимон

Глазура:

-150 гр. чоколадо за готвење
-80 гр. маргарин
-2 лажици масло
-2 лажици кисела павлака


Подготовка:

  Јајцата се миксаат со шеќерот и кога ќе се добие потребната густина се додаваат останатите состојки и се мешаат полека со дрвена лажица. Смесата се истура во предходно намастен плех од шпоретот и се печи на Т 200 степени околу 15 мин. Во меѓувреме се матат состојките за второто тесто, се вади колачот од шпоретот се прелива со втората смеса и се допекува целосно. Додека е сеуште топло се прелива со топлиот шербет и се остава да олади. На крај се става чоколадна глазура и се украсува со стопено бело чоколaдо.




 Оргиналниот рецепт ќе го најдете на линкот:
http://www.ljiljananieder.com/recepti-detalji/slatko/bosanska-poslastica-234 

КОЛАЧ СО ЈАБОЛКА И ГРИЗ

Потребно:

-1 шола пченичен гриз
-200 мл. млеко
-3 јаболка средна големина
-1 јајце
-1 шола шеќер
-1/2 шола масло
-1/2 шола млеко
-3 лажици какао
-1 лажица брашно
-1 пакетче прашак за пециво
-100 гр. мелени ореви
-1/2 чаша немелен мак

Прелив:

-150 гр. чоколадо
-6 лажици млеко
-60 гр. маргарин
-60 гр. шеќер

Подготовка:

Пченичниот гриз се прелива со ладно млеко и се остава да одстои половина час. Јаболката се чистат и рендаат. Белката се двои од жолчката , посебно се мати па се додава жолчката , шеќерот , маслото , млекото и се се соединува. Се додава какаото , брашното , пецивото , мелените ореви , макот и смесата од гриз и млеко. Се мати со миксер , се додаваат ренданите јаболка и благо се промешуваат со лажица. Плех со димензии 20x30 см. се премачкува и се излива смесата. Се печи на Т од 200 степени околу 25 - 30мин.
Состојките за прелив се ставаат на оган и се мешаат додека се стопат и соединат.
Колачот се прелива топол , се остава да се олади и стегни и се сечи по желба.





Оргиналниот рецепт ќе го најдете на следиот линк:
http://moje-grne.com/2013/11/29/kolac-od-jabuka-i-griza/

ЧОКОЛАДНИ КАФЕ ШНИТИ

Бисквит:

-4 јајца
-200 гр. шеќер
-1 кесичка ванилин шеќер
-100 гр. брашно
-1 кесичка прашак за пециво
-10 гр. какао
-1 лажичка инстант кафе во прав
-100 мл. варено кафе

Јајцата се миксаат со шеќерот и ванилата додека не се добие густа смеса. Брашното , пецивото, какаото и инстант кафето се мешаат , се додаваат во смесата со јајца и се меша со дрвена лажица. Се печи во тава бр.40 предходно намачкана со масло на Т од 200 степени околу 15 мин. Се остава да олади и се попрскува со 100 мл. варено кафе.

Крем I:

-200 гр. чоколадо за готвење
-200 гр. Petit кекс
-100 мл. варено кафе
-20 мл. варено кафе
  Чоколадото се топи на пареа и му се додаваат дробените кекси и 100 мл. варено кафе, се мешаат и одма се нанесуваат врз печениот бисквит. Најдобро се нанесува со мала лажичка и голема која ја намакуваме во останатите 20 мл. кафе.

  Крем II:
 
-150 гр. чоколадо за готвење
-800 мл.слатка павлака
-80 гр. шеќер

Слатката павлака се мати со шеќерот и се дели на два дела. Во едниот дел се додава стопеното чоколадо и се нанесува врз слојот од бисквити. Над него се става белиот дел и се украсува по желба.

Оргиналниот рецепт ќе го најдете на линкот:

http://www.ljiljananieder.com/recepti-detalji/slatko/cokoladne-kava-snite-12

РОЛНИЧКИ СО ГОТОВИ КОРИ

Потребно:

-500 гр. готови кори за пита
-350 мл. топло млеко
-1 кафена лажичка шеќер
-1 коцка пресен квасец
-3 јајца
-150 мл. масло
-5 лажици брашно
-1 кафена лажичка сол
-300 гр. сирење

Подготовка:

Млекото , квасецот , шеќерот и брашното се ставаат во подлабок сад да стасаат. Се додаваат јајцата и се матат со жица. Се додаваат и останатите состојки и повторно се меша со жица.
Се зема една кора , целосно се премачкува со смесата и се преклопува на половина . Повторно се премачкува , на долниот дел се става од сирењето , краевите малку се подсвиткуваат и се витка во ролничка. Така со сите кори.  Ролничките се редат во плех обложен со хартија и се печат на Т од 200 степени  додека поруменат.

ПЕСОК ТОРТА

Потребно:

-1,5 л. млеко
-2 пакетчиња прашак за пудинг од чоколадо
-4 пакетчиња прашак за пудинг од ванила
-150 гр. шеќер
-375 гр. маргарин
-3 кесички ванилин шеќер
-300 гр. мелени кекси
-300 гр. кокос
-300 гр. мелени ореви
-500 мл. слатка павлака

Подготовка:
 

Во 500 мл. млеко се варат две кесички прашак за пудинг од чоколдо со 50 гр. шеќер. Во врелиот пудинг се додаваат125 гр. маргарин , една кесичка ванилин шеќер и мелените кекси. Во 1 л. млеко се варат четири кесички прашак за пудинг од ванила со 100 гр. шеќер и дури е топло се меша 250 гр. маргарин. Се дели на два дела. Во едниот се додава една кесичка ванила и кокос , а во другиот дел една кесичка ванила и мелени ореви. Филовите се редат како што се подготвуваат: прво филот со кекси , па со кокос и одозгора филот со ореви. Целата торта се премачкува со слатка павлака.

КОЛАЧ "МЕДЕНО СРЦЕ"

Состојки:

-1/2 кг. брашно
-300 гр. шеќер
-300 мл. млеко
-18 лажици мармалад од црни сливи
-2 мали лажички сода бикарбона
-2 мали лажички цимет
-2 лажици мед
-400 гр. чоколадо за готвење
-150 гр. маргарин

Подготовка:

Се миксаат брашното ,  шеќерот , млекото ,10 лажици мармалад , содата циметот и медот. Смесата се преполовува и се турва во намастен плех од шпоретот. Малку се запекува и се премачкува со фил (на умерен оган се топат 200 гр. чоколадо за готвење и 8 лажици мармалад и се меша на оган додека смесата не стани хомогена). Над филот се распоредува и останатиот дел од смесата и се се допекува уште 15-20 мин на Т од 180 степени.
Откако колачот ќе олади се нанесува глазура од 200 гр чоколадо и 150 гр.маргарин.

РАЈСКИ КОЛАЧ

Крем: 

-250 гр. чоколадо за готвење

-200 чоколаден нугат крем
-750 мл. слатка павлака
-100 гр. сецкани лешници 

Павлаката се загрева на оган (но не смее да зоврие), се трга настрана и се додава чоколадото за готвење и нугат кремот. Се меша додека се соедини и се става во фрижидер да одстои неколку часа, а најдобро е да преноќи. Лешниците се дробат и пропржуваат. Во добро изладената крема се додаваат лешниците и се микса со миксерот додека се згусни.

Бисквит:

-4 јајца
-3 лажици ладна вода
-100 гр. шеќер
-75 гр. брашно
-15 гр. какао
-25 гр. густин
-1 кесичка прашак за пециво

Се двојат белките од жолчките. Белките се миксаат со водата и постепено се додава шеќерот.Потоа се додаваати жолчките една по една. Брашното , густинот , пецивото и какаото се мешаат и постепено се додаваат во белките и се меша со дрвена лажица
Се печи во правоаголна тава бр. 40 обложена со хартија на Т 185 степени околу 20 мин. Бисквитот се остава да олади и со конец се сечи хоризонталано да се добијат две теста.
Се премачкуваат со кремот и се се украсува со рендано чоколадо или чоколадни трошки.



Оргиналниот рецепт ќе го најдете на следниот линк:
http://www.ljiljananieder.com/recepti-detalji/slatko/rajski-kolac-37 

РЕСАНА ТОРТА

Потребно:


-1кг.ресани 

-200 мл.млеко
-250 гр. маргарин
-100 гр. сецкани ореви
-2 кесички шлаг крем од чоколадо
-100 гр. чоколадо за готвење


Подготовка:

Млекото и маргаринот се ставаат во сад на оган да се стопи маргаринот. Се трга на страна и се остава да олади. Ресаните се сецкаат на четвртинки, му де додава изладената смеса од маргарин и млеко, сецканите ореви и цврсто избиениот шлаг крем од чоколадо. Убаво се меша да се изедначи смесата и се обликува по желба..
Чоколадото се топи на пареа со малку млеко и маргарин, се премачкува тортата и се остава во фрижидер да се стегни.

ОВОШЕН КОЛАЧ СО ПЕЧЕНИ ЈАБОЛКА

Бисквит:

-10-12 јаболка
-5 јајца
-5 лажици шеќер
-5 лажици брашно
-100 гр. суво грозје
-100 гр. мелени ореви
-цимет
-кристал шеќер за посипување на плехот

Плехот  од шпоретот убаво се посипува со кристал шеќер. Јаболката се лупат , се чистат од семките, се сечат на половина и се редат во плехот со сечената половина надолу.  Одозгора малку се наросуваат со цимет .Се печат во загреана рерна додека поцрвенат. Јајцата се миксаат со шеќерот додека се добие густа смеса и се додаваат брашното , оревите и сувото грозје. Смесата се прелива врз печените јаболка и повторно се враќа во рерната  и се допекува бисквитот. Кога бисквитот добие убава румена боја се вади од рерна и се остава да излади. Ладен полека се превртува во друг плех да дојдат јаболката одозгора.

Крем :

-1 л. млеко
-3 кесички прашок за пудинг од ванила
-10 лажици шеќер
-125 гр. маргарин
-180 гр. мелени плазма бисквити
-500 мл. слатка павлака

Пудингот се вари со шеќерот и млекото и кога ќе олади се соединува со маргаринот и мелените бисквити. Се нанесува врз печените јаболка. Настрана се бие слатката павлака и се нанесува врз пудингот. Се украсува по желба

Како да направите чоколадна топка со помош на мраз

ПУДИНГ КОЦКИ

 Потребно:

-600 гр. плазма кекси
-2 мали кутии јафа кекс
-2 кесички пудинг од чоколадо
-2 кесички пудинг од ванила
-1,8 л. млеко за пудинзите
-2 кесички шлаг пена
-1 чоколадо за готвење

 

Подготовка:

Подлабоко плехче или правоаголна тава бр. 40 се покрива со плазма кекси натопени во млеко. Пудинзите од чоколадо се подготвуваат според упатството на кесичката и се варат во 900мл. млеко. Пред крајот му се додава чоколадо за готвење и се остава да се стопи. Дури е топло се прелива преку бисквитите , а врз пудингот се редат јафа кесите . Пудинзите од ванила се варат во преостанатото млеко и топло се прелива преку јафа кексите. Врз пудингот од ванила повторно се редат плазма кекси натопени во млеко и се остава колачот да се излади. На крај се премачкува со шлаг пена.

Како да направите чоколадни декорации за да ги украсите вашите десерти

КОЛАЧ СО ЈАБОЛКА

Потребно:

-4 јајца
-6 големи рендани јаболка
-2 шоли пченичен гриз
-2 шоли млеко
-2 шоли мелени ореви
-1 шола масло
-2 шоли шеќер
-4 лажици брашно
-100 гр. суво грозје натопено во рум
-2 кесички ванилин шеќер
-2 кесички прашак за пециво

Глазура:

-200 гр. чоколадо за готвење
-100 гр. маргарин

Подготовка:

Јајцата пенесто се бијат со шеќерот во густа смеса , се намалува брзината на миксерот и се додаваат другите состојки. Јаболката се додаваат последни и благо се мешаат со лажица. Смесата се истура во длабок плех од шпоретот намачкан со масло и наросен со брашно. Се печи на Т од 180 степени околу 30 мин. Колачот се остава да олади и се премачкува со глазура.

КОСТЕНИ

Потребно:

-200 гр. мелени бисквити
-200 гр. шеќер во прав
-200 гр. мелени ореви
-200 гр. маргарин
-200 гр. путер од кикири
-2  чоколада за готвење

Подготовка:

Бисквитите , шеќерот , оревите , маргаринот и путерот од кикири се мешаат и се месат со рака. Се прават топчиња со големина на орев и се оставаат во фрижидер да се стегнат. Чоколадата се топат на пареа со 2-3 лажици масло. Секое топче се боцка со чечкалица и се брцка во стопеното чоколадо, но не целосно, се остава  на врвот бело капаче да личи на костен. Готовите костени се оставаат во фрижидер да се стегни чоколадото.

ЛЕЊА ПИТА СО ВИШНИ

Тесто:

-400 гр. брашно
-4 жолчки
-250 гр. маргарин
-неполна шола шеќер
-1 кесичка парашак за пециво
-2 кесички ванилин шеќер

Фил:

-4 белки
-200 гр. шеќер
-300 гр. вишни исчистени од семките и исцедени
-100 гр. сецкани ореви
-малку шеќер за посипување на вишните

Подготовка:

Жолчките се миксаат со шеќерот , се додава маргаринот , брашното , пецивото , ванилите и се замесува тесто. Тестото се дели на два дела. Едниот дел се плеска на плехчето , а другиот се става во замрзнувач да замрзни. Над тестото во плехот се редат исцедените вишни , се ставаат сецканите ореви и се посипуваат со малку шеќер. Замрзнатото тесто се вади од фрижидер и половина се ренда врз вишните и оревите. Четирите белки се миксаат со шеќерот во цврст снег и се нанесуваат над ренданото тесто , а врз белките се ренда преостанатиот дел од замрзнатото тесто . Се печи на Т од 180 степени додека порумени. Јас користев правоаголна тава бр. 32

КОЦКИ CO ПОРТОКАЛ И РУМ

Бисквит:

-300 гр. брашно
-2 кесички пудинг од ванила
-1 кесичка прашок за пециво
-3-4 портокали
-100 мл. сок од портокал
-4 кафени лажички рендана кора од портокал
-5 јајца
-200 гр. шеќер
-200 мл. јогурт со 1% масленост
-200 мл. масло

Брашното , прашакот за пудинг и пецивото се мешаат заедно. Јајцата се миксаат со шеќерот додека згуснат и постепено се додава јогуртот , сокот од портокал , маслото и кората од портокал. На крајот се додаваат сувите состојки и се мати со најмалата брзина на миксерот.
Смесата се печи во правоаголна тава бр.40 на Т од 180 степени околу 20-25 минути.

Прелив:

-300 мл. сок од портокал
-100 гр. шеќер
-рум

Додека се печи бисквитот се подготвува сирупот и топол се прелива преку топлиот бисквит.

Фил:

-500 мл.слатка павлака
-200 гр. чоколадо за готвење

Павлаката се микса додека се добие цврст шлаг и се додава 150 гр. рендано шоколадо. Се нанесува врз оладениот бисквит и се посипува со 50 гр. рендано чоколадо.




Оргиналниот рецепт ќе го најдете на линкот:
http://www.ljiljananieder.com/recepti-detalji/slatko/kocke-od-narance-i-ruma-60 

ТОРТА "BLUE ANGEL"

Бисквит:

-10 белки
-10 лажици шеќер
-2 кесички прашак за пудинг од шумско овошје
-100 гр. сецкани ореви
-200 гр. чоколадо за готвење

Белките се миксаат со шеќерот во цврст снег , се додава прашакот за пудинг и се меша со дрвена лажица. Плехот од шпоретот се прекрива со хартија за печење и се посипува со сецканите ореви , а над нив се става предходно изматената смеса. Се печи на Т од 180 степени околу 20 мин.Кога бисквитот ќе олади се сечи надолжно на три ленти кои се премачкуваат со стопено чоколадо од страната на оревите.

Крем I :

-10 жолчки
-200 гр. шеќер во прав
-200 гр. маргарин
-80 гр. мелени плазма бисквити

Жолчките се миксаат со шеќерот на пареа  додека згуснат. Се оставаат да оладат и се додава маргаринот и мелените плазма бисквити.

Крем II :

-250 мл. слатка павлака изматена во цврст шлаг

Се филова : кора , жолт крем , шлаг и така сите кори. Одозгора се премачкува по желба  : шлаг крем или шлаг пена.

АРАБИЈА ТОРТА

 Тесто:

-10 белки
-10 лажици шеќер
-4 лажици брашно
-1 пакетче прашак за пециво
-100 гр. сецкани ореви
-150 гр. сецкани урми
-150 гр. сецкани смокви
-150 гр. бело суво грозје

Белките се миксаат со шеќерот во цврст снег , се додаваат останатите состојки и се мешаат полека со дрвена лажица. Се печи во плех од шпорет на хартија на Т од 180 степени околу 20 мин. Кога ќе олади се сечи на три ленти.

Крем:

-10 жолчки
-200 гр. шеќер во прав
-екстрат од ванила
-2 чоколада за готвење
-250 гр. маргарин

Жолчките , шеќерот и ванилаат се миксаат и се варат на пареа. Кога ќе се постигни потребната густина се додава чоколадото искршено на коцки и се меша додека се растопи. Кога кремот ќе олади се додава маргаринот и се филова тортата.

ТОРТА КАРАЏОРЏЕВА

I  дел:

-10 белки се бијат во цврст снег со 300 гр. шеќер , се додаваат 300 гр. сецкани ореви , 3 лажици брашно и  1 пакетче прашак за пециво. Се меша со дрвена лажица и се печи во плех обложен со хартија на  Т 180 степени околу 15-20 мин.

II  дел:

-10 лажици шеќер се топат додека не се добие карамел. Се истура на плехче обложено со мрсна хартија и се остава да олади. Потоа се толчи во ситен прав и се посипува врз печените белки.

III  дел:

-2 пртокали се цедат  и со сокот се прска грилијажот и тестото.

IV  дел:

-2 јајца се бијат со 2 лажици шеќер и се варат на пареа. 125гр. маргарин се бие и се додава во смесата. Потота на пареа се топат  2 чоколада за готвење и  и се додаваат во кремот.

V  дел:

-10 жолчки , 10 лажици шеќер и 2 кесички ванила се бијат и се варат на пареа. 250 гр. маргарин пенесто се бие , му се додава на жолчките и се нанесува врз чоколадниот дел. Се сечат 3 ленти и се редат една врз друга. Целата торта се премачкува со 2 кесички шлаг крем од чоколадо.

ЛИСНАТИЦИ СО ЈОГУРТ

Потребно:

-1 коцка пресен квасец
-1 кесичка прашак за пециво
-3 јајца
-200 мл. јогурт
-1 кг. брашно
-2 лажици сол
-250 гр. маргарин за премачкување

Квасецот се зафаќа со топла вода, малку шеќер , брашно и се остава да надојди. Се замесува тесто , убаво се измесува и се дели на четири дела. Секој дел се расукува , се премачкува со маргарин и се пакува како за лиснато тесто и се остава во фрижидер. Потоа од секој дел се расукува кора , се вадат форми по желба , се премачкуваат со јајце и посипуваат со сусам и афион. Се оставаат да надојдат и се печат на Т од 200 степени додека поруменат.

ЛАМБАДА КОЛАЧ

Бисквит:

-6 јајца
-150 гр. шеќер
-150 гр. брашно
-1/2 пакетче прашак за пециво

 Белките се одвојуваат од жолчките и се миксаат со шеќерот во цврст снег , потоа постепено се додаваат жолчките една по една . Брашното се меша со прашакот за пециво , се додава во смесата и полека се меша со дрвена лажица. Се печи во плехот од шпоретот на Т од 180 степени околу 15 мин.

Жолт крем:

-1 л. сок од портокал (или 4 дл. сируп за растворање од портокал и 6 дл. вода)
-3 кесички пудинг од ванила
-7 лажици шеќер
-300 гр. кекси petit beure


Во сокот од портокал се варат пудинзите од ванила и шеќерот и топло се прелива  преку топлиот бисквит . Преку жолтиот крем се редат кексите.

Бел крем: 

-12 лажици брашно
-12 лажици шеќер
-1 л. млеко
-250 гр. маргарин

Брашното , шеќерот и млекото се варат во крем и кога ќе олади му се додава 250гр. маргарин , убаво се соединува и се премачкува врз кексите.

Глазура:

-200 гр. чоколадо за готвење
-200 гр. маргарин

Со глазурата се премачкува колачот и се украсува со рендано чоколадо.

ПИТА СО ТИКВА

За тесто:

-250 гр. маргарин
-1 шола шеќер
-2 јајца
-4 шоли  брашно
-1 прашак за пециво

Јајцата се миксаат со шеќерот и му се додава маргаринот. Откако убаво ќе се измати се додава брашното и се замесува со рака. Се дели на два дела и се остава неколку часа во фрижидер.

За фил од тиква:

-500 гр. тиква
-200 гр. мелени плазма бисквити
-3 јајца
-100 мл. слатка павлака
-100 гр. шеќер
-зачини: карафилче, цимет и арома од бадем

Тиквата се вари , се пасира и се додаваат зачините. Јајцата се миксаат си шеќерот и заедно со  останатите состојки се додаваат во тиквата и убаво се соединува смесата.
Едниот дел од тестото се вади од фрижидер и се распоредува во правоаголна тава бр. 40 предходно премачкана со маргарин. Се нанесува филот од тиква и вториот дел од тестото се ренда над филот. Се печи на Т од 200 степени додека порумени.

БУРЕК КОЦКИ

Потребно:

-500 гр. кори за пита
-400 гр. мелено месо
-2 главици кромид
-200 мл. минерална вода
-200 мл. јогурт
-100 мл. масло за јадење
-2 јаца
-сол , црн бибер , зачини по вкус

Подготовка:

Кромидот ситно се сецка , се зпржува во масло , се додава меленото месо , зачините и се се запржува заедно.
Корите се делат на три дела и првиот дел се реди во тава бр. 40 намачкана предходно со масло.
Врз нив се нанесува една половина од смесата со месото и се покрива со втората половина од корите. Се распоредува и преостанатиот дел од смесата со месо и се прекрива со последниот дел од корите. Се сечи на коцки и се потурува со смеса од вода , јогурт и масло за јадење. Се остава да ја впие течноста и се печи на Т од 200 степени . Пред крај се премачкува со две матени јајца и повторно се враќа во рерна и се допеква додека порумени.

ЧОКОЛАДНА БАКЛАВА

Потребно:

-500 гр. кори за баклава
-300 гр. чоколадо рендано
-300 гр. ореви или лешници мелени
-250 гр. маргарин
-800 гр. шеќер
-1 л. вода

Чоколадото се ренда и се меша со мелените лешници. Во зависност од дебелината на корите се земаат три или четири , секоја се посипува со смесата од чоколадо и лешници и се витка во ролат . Така се виткаат сите кори и се редат во плехот од шпоретот. Се сечат на парчиња и се премачкуваат со 250 гр. стопен маргарин. Се печат на Т од 200 степени додека поруменат  и топли се потурваат со шебет од 800 гр. шеќер и литар вода.

ТУРСКИ ПОГАЧИЦИ

Потребно:

-200 мл. јогурт
-200 мл. млеко
-200 мл. кисела павлака
-200 мл. масло
-2 лажици шеќер
-2 лажици сол
-3 жолчки
-1 јајце
-1 коцка пресен квасец
-1 кесичка прашак за пециво
-1.200 гр. брашно тип 400
-125 гр. маргарин за премачкување
-сусам

Фил:

-300 гр. сирење
-1 јајце
 Млекото , павлаката и јогуртот се замлачуваат во подлабок сад , му се додава квасецот , шеќерот и осум лажици брашно и се остава да надојди. Во друг поголем се мешаат останатите состојки освен маргаринот и сусамот. Се додава надојдениот квасец. Се замесува тесто и се остава на топло да нарасни , се премесува и пак се остава да скисни. Потоа се кинат мали парчиња и се развлекуваат по должина и се сечат на ленти преку целата должина. Се топи маргаринот и се премачкуваат , на едниот крај се става од филот и малку дијагонално се замотува како ролат , а потоа како полжавче. Погачиците се премачкуваат со јајце и сусам и се оставаат да нараснат. Се печат на Т од 200 степени околу 25 минути.

ПОСНИ СОЛЕНИ КОЛАЧИ

 Посни солени мафини  I

-200 гр. пченкарно брашно

-200 гр. пченично брашно (бело)
-300 мл. млака кисела вода
-100 гр. стопен маргарин
-1 страк праз ситно сецкан и динстан
-120 гр. сецкани маслинки
-1 прашак за пециво
-сода бикарбона (  на врвот од лажичката )
-сол по вкус
Состојките се мешаат и се печат во силиконски калапи. Се украсуваат пожелба.

PIZZA ПОЛЖАВЧИЊА

За тесто:
-750 гр. брашно
-200 мл. млеко
-200 мл. јогурт
-1 лажичка шеќер
-1 свеж квасец
-100 мл. масло
-1 јајце
-1 лажичка сол
-сусам
 Во помал сад се соединуваат млакото млеко, шеќерот, квасецот и две лажици брашно. Добро се промешува и се остава да надојди.
Во друг сад се соединува половина од брашното, останатите состојки и надојдениот квасец. Се замесува тесто и постепено се додава преостанатото брашно. Измесеното тесто се остава на топло да надојди.
За фил:
-200 гр. сецкана шунка
-200 гр. рендан кашкавал
-300 мл. кечап
-оригано
-100 гр. маргарин
-1 жолчка
Кашкавалот се ренда на крупното ренде , а шунката се сецка .Маргаринот и жочката пенесто се матат. Надојденото тесто се дели на два дела. Од секој дел се сучи правоаголна кора со
дебелина од 5 мм. и се премачкува со смесата од жолчка и маргарин. Потоа се премачкува со кечап , се посипува со шунка , кашкавал и оригано и се витка во ролат. Со остар нож се сечат парчиња со дебелина од 1 см. и се редат на плех обложен со хартија. Одозгора се премачкуваат со јајце и се посипуваат со сусам. Се печат на 200 C околу 15 мин.

РАФАЕЛО КОЦКИ

Бисквит:

-320 гр. брашно
-150 гр. шеќер
-100 гр. маргарин
-2 жолчки
-2 лажици какао
-1/2 пакетче прашак за пециво
-1/2 кисела павлака
-6 белки
-150 гр. кокос
-150 гр. шеќер
Во сад  го ставаме брашното, маргаринот, жолчките, какаото, пецивото и павлаката и замесуваме тесто. Го делиме на два дела и правиме кора колку тава бр. 40. Ја мачкаме со масло и ја ставаме првата кора. Белките добро ги матиме во цврст снег со шеќерот и постепено го додаваме кокосот. Смесата ја истураме врз кората во тавата. Од останатото тесто развлекуваме уште една кора и ја ставаме врз белките. Се печи на температура од 180 C околу 20 мин.

Крем:

-4 жолчки
-2 кесички пудинг од ванила
-650 мл.млеко
-150 гр. маргарин
-100 гр.шеќер
-200 гр. чоколадо
Жолчките пенесто се миксаат со шеќерот и се додаваат пудинзите и малку од млекото. Останатото млеко се вари и се додаваат жолчките и се варат додека згусни. Се остава да излади и се додава маргаринот. Над оладените кори се става кремот и се прелива со глазура од две стопени чоколада.

КОЛАЧ "LADY DY"

-800 мл. млеко
-8 лажици шеќер
-2 кесички пудинг од ванила
-250 гр. маргарин
-250 гр. шеќер во прав
-200 гр. мелени плазма бисквити
-200 гр. кокос
-100 гр. суво грозје натопено во рум
-1 кг.банани
-3 кесички шлаг пена
-2 кесички шлаг крем од чоколадо
Млекото се вари со пудинзите од ванила и осум лажици шеќер. Кога ќе олади се додава маргаринот предходно изматен со шеќер во прав, се соединува и му се додаваат мелените плазма бисквити, кокосот и сувото грозје. Половина од смесата се обликува во плехче, се редат бананите сечени на пловина и се премачкува со останатата смеса.Одозгора се става изматениот шлаг крем од чоколадо, а потоа и члаг пената.

ЈАФА КОЛАЧ

                                                                               
Состојки

-180 гр. маргарин
-100 гр. шеќер
-150 гр. брашно
-1/2 пакетче прашак за пециво
-200 гр. мелени ореви
-2 смрзнати портокали ситно рендани
-6 белки

I слој

-6 жолчки
-200 гр.шеќер во прав

II слој

-150 гр. мелени плазма бисквити
-7 лажици сок од портокал
-150 гр. маргарин
-100 гр. шеќер во прав
-50 гр. бело чоколадо
-50 гр. сецкани ореви

Подготовка

Се миксаат маргаринот и шеќерот, се додаваат ренданите портокали, мелените ореви, брашното, пецивото и предходно изматениот снег од белките.
Се печи во плех  20x30 см. околу 20 мин. на Т од 200 степени.
Жолчките се миксаат со шеќерот во прав и кога кората е печена се премачкува со оваа смеса, се враќа во рерната и се суши на 150 степени додека фати кора.
Мелената плазма се прелива со сокот од портокал. Маргаринот се мати со шекерот во прав, се додава мелената плазма и стопеното бело чоколадо. Изладениот колач се премачкува со смесата и се посипува со сецкани ореви.

ЧОКОБАН ТОРТА

За бисквит

-5 белки
-300 гр. шеќер
-150 гр. сецкани ореви
-3 лажици брашно
-1 кесичка прашак за пециво

Белките се миксаат со шеќерот во цврст снег. Се додаваат оревите , брашното и пецивото и  полека се меша со дрвена лажица. Се печи во правоаголна тава бр.40 обложена со мрсна хартија за печење на Т од 200 степени околу 15-20мин. Кората се сечи на две ленти.

За крем

-5 жолчки
-150 гр. шеќер
-2 кесички пудинг од ванила
-1 лажица густин
-екстрат од ванила
-800 мл. млеко
-150 гр.маргарин
-300 гр. сецкани банани
-200 гр. еурокрем
-2 кесички шлаг пена

Во сад на оган се ставаат 600 мл. млеко заедно со шеќерот да зовријат. Посебно се миксаат преостанатото млеко со жолчките, пудинзите, густинот и ванилата , се додаваат во млекото и се вари додека се згусни. Кремот се остава да олади , се соединува со маргаринот и се дели на два дела. Во едниот се додава еурокремот , а во другиот дел сецканите банани. Првата кора се премачкува со кремот со банани , а втората со кремот од еурокрем.
Целата торта се премачкува со шлаг пена.

КОЛАЧ СО ЈОГУРТ

Колач со јогурт

За тесто:


-500 мл.јогурт
-2 шоли (од 200мл.) шеќер
-2 шоли (од 200мл.)брашно
-1/2 шоли (од 200мл.масло
-3 лажици какао
-1 полна лажица сода бикарбона

-1 пакетче ванилин шеќер
Најпрво се миксаат јогуртот и шеќерот а потоа се додаваат и останатите состојки.
Смесата се печи во намастена правоаголна тава бр.40 на Т од 180 степени околу 20 мин.


За фил:

-750 мл. млеко
-2 кесички прашак за пудинг од малина или шумско  овошје
-10 лажици шеќер
-150 гр.чоколадо за готвење
-250 гр.маргарин
-2 кесички шлаг пена
Пудинзите се варат со шеќерот и млекото и додека е топло се додава чоколадото и се меша додека се стопи. Се остава да олади и се соединува со маргаринот.  Филот се нанесува врз печеното тесто , се премачкува со шлаг пена и одозгора се украсува со рендано чоколадо.

CHERRY PRALINE

Fil:
-visni od visnovka
-liker od visni
-100 gr. cokolado za gotvenje
-100 ml.slatka pavlaka
-300 gr. cokolado za premackuvanje na kalapite
Cokoladoto se topi na ogan so slatkata pavlaka se dodava likerot od visni ,se promesuva i se ostava vo frizider da se stegni.
Ako nemate visni od visnovka togas mozi svezi ili zamrznati visni da se posipat so seker i da se vatat na tivko dodeka ne se dobie gust sirup. Pred krajot se dodava ekstrat od rum i vanila.
Cokoladoto se topi na ogan i se dodava na 100 gr. cokolado 1-2 lazici maslo.Kalapite se premackuvaat nekolku pati , se stava po edna visna,malku liker i od kremot od cokolado. Na krajot se zatvoraat so cokolado